Fòmilè iKat sa la pou resevwa tout enfòmasyon nesesè sou tout moun ki pral vwayaje, pou rantre oubyen pou kite peyi a. Sa ap pèmèt vwayajè yo fè mwens tan nan ayewopò, nan pò yo, oubyen sou fwontyè yo. Lè vwayajè a ranpli fòmilè iKat la, li bay bon enfòmasyon sou idantite li, sou vwayaj la, sou sante li epi li fè deklarasyon an ladwàn, sa pèmèt otorite yo pi byen prepare vwayaj la. Fòmilè iKat la gen plizyè etap, tankou : enfòmasyon pèsonèl, detay sou vwayaj la, enfòmasyon sou sante epi ladwàn. Vwayajè yo dwe ranpli tout etap yo san li pa bay fo enfòmasyon.